Hopp til innhold

Søk

Tilskot for fleirgongsprodukt for menstruasjon

Om lag halvparten av den vaksne befolkninga har mensen. Ein heilt naturleg del av livet, som har stor påverknad på kvinners helse, økonomi og og miljø.
Det har ikkje skjedd så mykje på utviklingsfronten sidan tampongen kom på markedet for snart 100 år sidan.
Sjølv om den er og har vore viktig for kvinners frihet og velvære, ser vi ei auka trend til at vi er klar for å endre vanane våre.

Enorme avfallsmengder knytt til eingangsprodukt for menstruasjon

Vi bruker omtrent 45 milliarder eingangsprodukt for menstruasjon kvart år på verdensbasis, og produksjonen av desse står for ca. 245.000 tonn CO2-utslepp årleg, ifølgje ein rapport frå NIVA.

I tillegg er mensprodukt den femte største bidragsyteren til plastforureining på kysten i Europa, ifølgje EU-parlamentet, som gjengitt av forskning.no.

Tida er moden for å endre vanar

Butikkhyllene får stadig fleire produkt som utkonkurrerar bind og tampongar på både pris, helse og miljø. Det er tydeleg at vi er klar for å sjå på vanane våre knytt til menstruasjon.

For at fleire skal velgje bort eingangsprodukta til fordel for fleirgongsprodukt, må fleire instansar samarbeide om å auke kunnskapen om desse produkta.

Her vil vi bidra!

Visste du at pris trumfer miljø og helse ved val av produkt?

Undersøkingar viser at det er pris som er den viktigste faktoren for val av menstruasjonsprodukt. Som renovasjonsselskap jobbar Attvin med ulike tiltak for å redusere avfallsmengda.

No ønskjer vi å bane veg for at enda fleire ser fordelane med å redusere avfallsmengda knytt til menstruasjon.

Attvin først ute med tilskot for fleirgongsprodukt!

Det er mogleg det fins andre, men vi har ikkje funnet dei. Uansett er vi stolt av å vere blant dei første i Norge som tilbyr tilskot til fleirgangsprodukt for menstruasjon!
Vi håpar tilskotet kan bidra til at enda fleire vurderer fleirgangsprodukt som ei betre løysing enn dei tradisjonelle eingongsprodukta.
Slik fungerer det:
  • Du kjøper valfritt fleirgangsprodukt.
  • Du fyller ut skjemaet nederst på sida, og legg ved kopi av kvittering.
  • Du får refundert kostnaden for produkta inntil kr. 1000.

Vilkår for stønad

  • Du må vere folkeregistrert i området som Attvin opererar i
  • Ein stønad per person
  • Max beløp for stønad er på kr. 1000