Slik fungerer innsamlingstenesta
I takt med at stadig meir skal til gjenvinning, må vi kildesortere meir. Attvin samlar inn avfall frå over 100 000 innbyggarar i regionen. Kildesorteringssystemet vårt er lagt opp for best mogleg kvalitet på avfallet. Det viser seg nemlig at det blir best kvalitet på avfallet om vi har eige dunkar for dei ulike typane.
Størrelsen på restavfallsdunk avgjer gebyret
Det skal løne seg å kildesortere godt. Difor er det størrelsen og tømmefrekvens på restavfallet ditt som avgjer gebyret du betalar. Avfallsmengda ikkje er lik gjennom dei ulike livsfasane. Prøv deg gjerne fram og sjå kor liten restavfallsdunk du kan klare deg med. Du har også høve til å kjøpe ekstrasekk når avfallet toppar seg, til dømes i høgtider og etter bursdagsfeiringar.
Kvifor bør du bry deg om kvaliteten på avfallet?
Kvaliteten på avfallet vi sender tilgjenvinning har ein direkte effekt på kostnadane våre. Og sidan vi er sjølvkostfinansiert, har kostnadane våre ein effekt på gebyret du betalar. Jo betre kvalitet det er på avfallet vi sender til gjenvinning - dess betre er det for di lommebok.
Vi samlar inn følgande avfallstypar:
Matavfall
Matavfall sorterer du i grøn matavfallspose og kastar i matavfallsbehaldar. Matavfallet blir samla inn kvar 2. veke.
Etter innsamling blir det lasta om på Bingsa, før det går vidare til behandling på biogassanlegg på austlandet. Matavfallet blir omdanna til biogass og biorest.
Papp, papir og kartong
Papp, papir og kartong sorterer du i papirdunk eller papirbehaldar. Dette avfallet blir samla inn saman med plastemballasje kvar 4. veke.
Etterinnsamling blir det sortert og omlasta på Bingsa før det går vidare til gjenvinning i Nederland med returtransport eller tog.
Plastemballasje
Plastemballasje sorterer du i returplastsekk, og festar på papirdunk til tømmedag kvar 4. veke.
Etter innsamling blir det sortert og omlasta på Bingsa før det går vidare til gjenvinning i Europa (hovudsakleg Tyskland) med tog eller returtransport. Heldigvis kjem det snart eit gjenvinningsanlegg i Norge også.
Emballasje av glas
Emballasje av glas (merk; emballasje, ikkje produkt av glas) sorterar du laust i dunken for glas- og metallemballasje. Denne blir tømt kvar 10. veke.
Dette går til omlasting på Bingsa før det blir transportert vidare til Sirkel sitt anlegg i Fredrikstad. Der blir avfallstypane skilt frå kvarandre og gjenvunnet til nye råmateriale.
Emballasje av metall
Emballasje av metall (merk; emballasje, ikke produkt av metall) sorterar du laust i dunken for glas- og metallemballasje. Denne blir tømt kvar 10. veke.
Dette går til omlasting på Bingsa før det blir transportert vidare til Sirkel sitt anlegg i Fredrikstad. Der blir avfallstypane skilt frå kvarandre og gjenvunnet til nye råmateriale.
Restavfall
Restavfall er det du sit igjen med når alt anna er utsortert. Restavfallet blir tømt kvar 2. veke (kvar 4. veke for redusert eller kompost-abonnement).
Det er størrelsen på restavfallsdunken din og hentrefrekvens som bestem størrelsen på gebyret. Det kan difor lønne seg å kildesortere godt.
Restavfallet blir frakta direkte til Tafjord Kraftvarme sitt forbenningsanlegg på Grautneset i Ålesund. Der blir det gjort om til fjernvarme i eit ledningsnett som strekk seg frå Fremmeholen i aust til Steinvågneset i vest.
Spar areal og kroner på samarbeidsrenovasjon
Meir kildesortering krev meir areal. Som følgje av dette er det stadig fleire som samarbeidar om avfallsdunkar, eller får med resten av nabolaget på større fellesløysingar som nedgravde avfallsbrønnar eller bunntømte bakkeconteinarar.