Hausten 2024 kan heile regionens 4.klassingar søke om å delta på den aller første SMART Attvin!
Klart for SMART Attvin
I samarbeid med Ungt Entreprenørskap Møre og Romsdal har vi utvikla eit nytt tverrfagleg prosjekt, SMART Attvin. Målgruppa er alle 4. klassingar i Attvin sine eigarkommunar; Fjord, Giske, Haram, Vestnes, Stranda, Sula, Sykkylven og Ålesund.
Kva er målet med SMART Attvin?
Målet er at elevane skal få øving i kreativ problemløysing og innovasjon, og bli meir bevisst på eige forbruk og gjenbruk.
Slik foregår det
I løpet av fire dagar i vekene 40 og 42, skal elevane nytte seg av Ungt Entreprenørskap sin SMART-metodikk, der dei skal finne løysingar på eit oppdrag frå Attvin.
- Elevane vil bli utfordra på korleis dei kan tenke meir berekraftig når det kjem til eige og andre sitt forbruk og korleis dei kan skape ny verdi av gamle ting.
- Elevane blir i løpet av prosjektveka invitert til bedriftsbesøk på ein av Attvin sine miljøstasjonar, der dei vil få omvisning og fagleg påfyll.
- Det heile blir avslutta med ein presentasjonsdag, der elevane skal få vise fram sine kreative og innovative løysingar.
Begrensa plassar - først til mølla
Det er begrensa med plassar, så her er det først til mølla. Invitasjon er sendt til alle skular med link til deltaking.
Tips gjerne lærar om du er forelder og ønskjer at skuleklassa til din 4.klassing skal delta.
Vellukka pilot
I april gjennomførte vi pilotprosjekt med Flisnes skule i Ålesund kommune. Dette blei ein stor suksess. Tilbakemeldingar frå lærarar og elevar var at dette var ei lærerik oppleving, og at det var inspirerande med ei heil annleis veke på skulen.
«Dette har vært en veldig kjekk uke både for elever og lærere. Det har vært lærerikt, og inspirerende med en helt annerledes uke. Vil absolutt anbefale andre å delta på dette.»
Påmelding?
Det er lærar som melder på si skuleklasse.