Kjeldesortering på hytta
Stadig fleire av hyttepunkta i regionen får full kildesortering. Det vil seie at der er oppsamlingsløysingar for følgande avfallstypar:
- matavfall
- papp/papir- og kartongemballasje
- plastemballasje
- glas- og metallemballasje
- restavfall
Det gjenstår nokre hytteområde som ikkje har dette på plass enda. Hytteeigarane kildesorterer det som det fins eigne oppsamlingseiningar for på staden.
Køyrereglar for fritidsrenovajon
Det er ingen hemmelegheit at fritidsrenovasjon er eit utfordrande område som følgje av forsøpling frå uvedkommande. Konsekvensen av dette er kostbar opprydding som vidare påverker gebyret.
- Tilbodet er forbehaldt eigarar/brukarar av fritidsbustader
- Tilbodet gjeld kun for hushaldsavfall som det er oppsamlingsløysingar for på staden. Avfallet må også passe i opningene på oppsamlingseiningane
- Matavfallsposar og plastretursekkar skal ikkje misbrukast, men brukast for avfallstypane dei er utvikla for.
- Det er ikkje tillat å bruke oppsamlingspunkta som ein miljøstasjon. Avfall som ikkje høyrer heime i oppsamlingseiningane tek du med til miljøstasjonen
- Misbruk og forsøpling er ulovleg og kan bli politianmeldt
- Dersom eit anlegg gjentatte gangar må ryddast, og tiltak for å løyse problemet ikkje virkar, kan Attvin beslutte å avvikle punktet
- Det er eit felles ansvar å sikre at tilbodet fungerer
Fritak frå renovasjonsgebyr?
Du kan kun søke om fritak dersom du har ein fritidsbustad som er kondemnabel. Fritak gis for maksimalt tre år av gongen.
Kommunen er pliktig til å tilby eit tilfredsstillande tilbod om renovasjon til alle hushald. Avfall frå fritidsbustadar og hytter blir rekna som hushaldsavfall. Utgangspunktet er at eigedommen bidrar til å gi rom for kvile og moglegheit for matstell. Dette er gitt av Miljødirektoratet og gjeld i heile landet.
Attvin har ansvaret for renovasjon i kommunane som eig selskapet, og utfører tilbodet på vegne av den enkelte kommune.
Målet med hytterenovasjon er å unngå forureining, avfall i naturen og bålbrenning av avfall. Hytterenovasjon gir eit tilbod som gjer det enkelt å kvitte seg med avfallet på ein trygg måte.
Alle som har bygning registrert som hytte/fritidsbustad får krav om å betale fritidsrenovasjon. Kommunen har fritatt enkelte områder frå å betale renovasjon.
Kva område dette er, kjem fram i kart i den enkelte kommune si renovasjonsforskrift.
Attvin veit at du har hytte, men vi har ingen kunnskap om korleis, eller kor ofte du bruker ho. Hytterenovasjon er som ei spleiseordning for dei som har hytter, der alle betalar likt uavhengig av bruk. Vi har lagt vekt på å lage eit så rasjonelt og enkelt tilbod som mogleg.
Hyttepunkta er i stor grad plassert i nærleiken av større hyttefelt, eller langs vegen der folk køyrer heim frå hytta. For å få lov til å plassere ut konteinarar for avfall, må Attvin ha avtale med grunneigar. Det får vi ikkje alle stader.
Vi arbeider for å tilpasse og betre ordninga. Samtidig må vi passe på å ikkje fordyre ordninga. Her er det viktig med eit godt samarbeid og konstruktive tilbakemeldingar og forslag frå hytteeigarar.
Tenestene Attvin er ansvarlege for er sjølvkosttenester. Det vil seie at vi tek betalt for det tenesta kostar, - ikkje meir, ikkje mindre. Det er ingen som tener på dette, verken Attvin eller kommunen. Hytterenovasjonen påverkar heller ikkje andre delar av kommunen sin økonomi.
Renovasjonsforskrifta gir enkelte eigarar høve til å søke om fritak. Dei som kan dokumentere at hytta står til nedfalls, kan rekne med å få fritak.
Sjeldan bruk av hytta eller liten produksjon av avfall, storleik på hytta og avstand til hyttepunkt gir ikkje grunnlag for fritak.
Dei som meiner dei har grunn til å få fritak frå hytterenovasjon vil få klagen behandla hos Attvin. Dersom Attvin er i tvil om søknaden gir rett til fritak, eller søkar klager på vedtaket, blir klagen sendt til eit eige klageutval som behandlar klagen.
Kor finn eg posar og sekkar?
Alle innbyggertorg har sekker og poser for plastemballasje og matavfall. På nokre hyttepunkt fins det og eigne utstyrskasser med avfallssekkar og poser for plastemballasje og matavfall:
- Strandafjellet
- Fjellsætra
- Overøye
- Sjøholt
OBS: Poser og sekkar må berre brukast til avfallstypen dei er berekna for.
Nødvendig oppgradering
Fleire av hyttepunkta er i dårleg forfatning. Dette auker sannsynlegheita for forsøpling. Difor har Attvin starta eit arbeid med å oppgradere standarden på hyttepunkta. Dette arbeidet må gjerast i fleire fasar, av kostnadshensyn.
I første omgang har vi prioritert dei største punkta. Neste ut er dei punkta vi har kategorisert som mest utfordrande. Vi ønskjer eit godt samarbeid med hyttegrendene. Har du innspel eller spørsmål til punktet du er tilknytt? Vi vil gjerne høyre frå deg.
Takk for at du samarbeider for at tjenesta skal fungere best mogleg for alle.