Hopp til innhold

Søk

Vil du gjere ein innsats for nærmiljøet? Her er det du trenger å vite.

Tid for å rydde marint avfall

Gjennom året blir det arrangert fleire nasjonale ryddedugnadar. I samarbeid med Hold Norge Rent tilbyr vi utstyr til strandrydding og tar i mot avfallet mot koden du får når du opprettar ryddeaksjon hos Rydde Norge. Her får du vite korleis du går fram.

Slik gjer du det:

Utstyr

Hent strandryddesekkar hos din nærmaste miljøstasjon eller hos administrasjonen vår i Alvikvegen 212. Du kan og bestille dette frå Hold Norge Rent. Om du ikkje får tak i strandryddesekkar kan du og bruke gjennomsiktige sekkar som du får kjøpt i butikk.

Vi har også hanskar til utdeling. Desse kan brukast fleire gonger og vaskast i vaskemaskin.

Plukk

Gå i mindre grupper om de er ein stor gjeng, slik at de ikkje skremmer fuglar og dyr. Hald god avstand til hekkande fuglar og reir.

Lever og registrer!

Registrer området som er rydda på ryddenorge.no eller med Rydde-appen.

Vis frem aksjonskoden frå Rydde og lever strandryddesekkane gratis på din nærmaste miljøstasjon.

Når du rydder opp i naturen vår gjer du eit verdifullt arbeid for både fuglar, fisk og for fellesskapet. Ingen kan gjere alt, men alle kan gjere litt. Til saman kan det bli mykje.
Takk for at du gjer ein innsats for å ta vare på den vakre naturen vi har her i regionen.

Om Rydde

Rydde er eit digitalt verktøy som gir oversikt over planlagde/gjennomførte ryddeaksjonar og forsøpla områder.

  • Finn områder som treng rydding utan å måtte reise på synfaring fyrst.
  • Bidra til at Hold Norge Rent får samla inn verdifull informasjon for å halde fram med det viktige arbeidet i kampen mot forsøpling.
Gå til Rydde
Ta omsyn til hekkande fuglar
Det er viktig at vi ikkje forstyrrer hekkande fugl når vi er ute og ryddar.
  • Unngå å legge ryddeaksjon til hekkeområder både med og uten ferdselsforbud.
  • Særlig viktige hekkeområder og områder med sårbare hekkeartar skal ikkje ryddast av frivillige.
  • Ver varsom når du ryddar om våren eller tidlig på sommeren. Når sjøfugl blir forstyrra kan dei forlate egg og ungar. Høyrer du fugleskrik kan det være fra engstelege fugleforeldre; trekk deg forsiktig unna og avslutt ryddeaksjonen.

Spørsmål?

Ikkje nøl med å ta kontakt dersom du har spørsmål om ryddeaksjonar.
Rydde gater, stiar og friområde?
Sjå meir om Rusken 2025